Fellesrådet for kyrkja Vestre Slidre

Kyrkja i Vestre Slidre har kontor i 2.etg i bankbygget, som ligg bak kommunehuset. Om vi ikkje er i møter eller på befaring mm, har vi ope frå 9-15 måndag-torsdag. Som kyrkje søker vi alltid å vere eit opent og inkluderande felleskap der alle kan finne sin plass.

Kyrkja i Vestre Slidre har 3 kyrkjer og eit kapell som blir brukt til messer og kyrkjelege handlinger gjennom året. I tillegg har vi ei stavkyrkje der vi har aktivitet om sommaren; olsokmesse, eitpar vigslar og omvising. Omvisinga er frå torsdag til søndag, kl.11-17 i omlag 9 veker.

Slidredomen har også omvising om sommaren - i 5 veker - onsdager og laurdager frå 11-17.

Har du spørsmål om dåp, konfirmasjon, vigsel, gravferd eller andre ting du tenkjer at kyrkja kan svare på, er det berre å kome innom oss på kontoret, ringe eller sende mail.

På nettsida vår finn du også mykje info, og der ligg også oversikt over messene våre i dei ulike kyrkjene våre.